Gjatë një takimi në Pogradec, lideri demokrat nuk ka harruar të bëjë as batuta me të pranishmit në takim. Por ajo që ka spikatur, ishte një telefonatë, që i është përgjigjur Basha, duke zbuluar më pas të dashurën e të zotit të telefonit. “Ma jepni një smartphone, dikush të më japë një smartphone,”- tha Basha duke marrë një telefon të një djaloshi.
Basha e mori celularin në dorë dhe filloi të shpjegonte se si ky lloj telefoni ka më shumë shpejtësi dhe tekonologji se të gjitha e Forcat e Armatosura në vitet 60. Por ndërkohë që Basha fliste telefoni filloi të binte dhe Basha u përgjigj: Desi një sekondë se është në takim. Më pas të gjithë filluan të qeshnin dhe kryedemokrati tha më tej: Nuk besoj se të nxorra ndonjë sekret apo jo, se Desi ishte me sytë me zemra.!”, ka thënë më tej kryedemokrati.
